सचिन, सेहवागने लाज राखली

श्रीलंकेविरोधात सुरु असलेल्या दुसर्‍या कसोटी सामन्यात सेहवाग व सचिनने भारतीय संघाची लाज राखली. सेहवाग 99 धावांवर बाद झाल्यानंतर मास्टर ब्लास्टरने शानदार शतक ठोकत भारताची बाजू भक्कम केली आहे. सचिनच्या शतकाने आता भारताच्या आशा जाग्या झाल्या आहेत.

मास्टर ब्लास्टरने आपल्या कसोटी करियरमधले 48 वे शकत ठोकले आहे. लक्ष्‍मण व सचिनने आज भारताचा डाव सावरला. श्रीलंकेने डाव घोषीत केल्यानंतर सेहवागने आज 101 चेंडूत शानदार 99 धावा केल्या. तो एकदिवसीय सामन्यात खेळत असल्याप्रमाणे फटकेबाजी करत होता. परंतु बेजबदार खेळ केल्याने तो 99 धावांवर बाद झाला. यानंतर आलेला द्रविडही केवळ तीन धावांवर बाद झाल्यानंतर भारतीय चाहत्यांच्या नजरा सचिनवर खिळल्या होत्या. या शतकानंतर आता सचिनच्या 31 हजार धावा पूर्ण झाल्या आहेत.